Во Македонија недостастуваат истражувања за да jа потврдат претпоставката, меѓутоа факт е дека кај нас, но и во светот малку компании имаат јасно поставени цели за учеството преку друштвените мрежи и мал број од нив ги мерат резултатите.
Со растот на популарноста на новите промотивни средства, може да очекуваме поголемо прифаќање и адаптирање на модели за мерење на резултатите и Return on investment – ROI, иако ова само по себе е дискутабилна тема во насока КАКО и кои се најрелевантните мерки на успех.
Компанијата која продава бизнис алатки за друштвени мрежи, Wildefire, во Ноември минатата година започна истражување во кое биле вклучени 700 маркетери од целиот свет. Резултатите ги спакуваа неодамна во еден инфографик.
97% од вклучените во студијата се согласиле дека нивниот бизнис има корист од учеството во социјалните медиуми,
Facebook е прва дестинација и најчесто користена алатка од новите медиуми (94%),
70% веруваат дека фановите или обожавателите се повредни за бизнисот од тие кои не се фанови,
Најголем дел од компаниите немаат формирано систем за мерење на резултатите или повраток на инвестициите,
Зголемената свесност за брендот, можноста за дијалог/двонасочна комуникација, зголемената продажба и намалените трошоци се четирите најголеми бенефити кои се истакнуваат.
Друштвената мрежа на која повеќе од половина корисници се најавуваат барем еднаш дневно станува густо место.
Обемот на содржина (статуси, фотографии, видеа) што се споделува расте експоненцијално, а со тоа е потешко да ги селектираме информациите кои не интересираат нас.
Со цел да ни понуди персонализирано искуство и објави што ќе бидат прилагодени спрема нашиот профил, Facebook ја следи сопствената математичка Edgerank формула (провери на Edgerankchecker.com за твојата фан страна).
Алгоритамот со кој се пресметува му овозможува да не ослободи од непотребните инфорамции во нашиот социјален круг. Ова всушност значи дека луѓето и фан страниците со кои почесто имаме некаква интеракција ќе се наоѓаат почесто во нашиот news feed.
Бројот на Like-овите и коментарите стануваат едни од најважните валути по кои се оценува статусoт во Facebook економијата.
Борбата за внимание продолжува и особено е евидентна на страна на оние кои гледаат во Facebook како место за маркетинг. Ако пред две години се уште имаше мејнстрим брендови кои размислуваа дали воопшто имаат потреба од присуство, оваа година веќе ќе гледаме и фокусирани плански напори.
Овој медиум уште повеќе ќе се искомерцијализира како и секоја популарна платформа, а како победници се играчите кои имаат ресурси:
1 од секои 5 минути поминати онлајн е потрошена на активности на друштвените мрежи. Facebook го кориси 82% од Интернет популацијата.
ComScore од неодамна објави извештај со најнови статистики, кое може да го превземете овде.
Од аспект на колективна организираност и заеднички глас, демократизацијата на информациите се случи на ново ниво, како со организацијата на протести и револти против дикататорство, така и во мобилизацијата на ресурси и помош за природните непогоди како тие во Јапонија.
Од аспект на маркетингот, можностите за доближувањето на брендовите до агилните Интернет корисници и концептот на “Интернет маало” е неоспорно. Се поставува како прашање само дали сите располагаат со доволно ресурси (во време и експертски), внатрешен капацитет и посветеност за да го искористат големиот потенцијал.
Гледано од перспектива на платформите како Facebook, Twitter, LinkedIn, YouTube и новиот Google+ видовме многу новости, нови или изменети функционалности и воведени промени.
Во нашата земја 2011 беше година на уште поголемо прифаќање на друштвените мрежи и период кога маркетинг департманите започнаа со првите посериозни планови, акции и кампањи преку новите медиуми.
Свесноста кај сопствениците на бизнис, менаџерите, раководителите во маркетинг и продажба за потребата од присуство на Интернет е евидентна. Никнаа фан страници за различни брендови. Дел од нив го назначија внатрешниот маркетинг тим или слободниот вработен да ја води комуникацијата, други сосема погрешно му ја дадоа “Facebook работата” на младите практиканти, а трети се одлучија за Outsourcing и соработуваат упатените во полето – Интернет маркетинг агенции.
Обично пишувам за позитивните аспекти на друштвените мрежи, како може да се користат во маркетинг и лични цели. Ми се чини дека ова е првиот напис каде ги сместувам во негативна конотација.
Живееме во време на социјален веб. Сите кои ги познавате, најчесто веќе и родителите, имаат отворена сметка најмалку на една социјална мрежа. Like-ови, статуси, додавање непознати пријатели, испраќање пораки “во инбокс”. Терминологијата станува дел од секојдневието. Зборовите unfriend, Hashtag, tweetup од пред година веќе се официјализирани во речникот на Оксфорд.
Сепак, се поставува прашањето. Дали воопшто имаме идеја колку Facebook знае за нас?
На TheNextWeb стигнав до видео каде е пренесено најновото искуство на Max Schrems, студент по правни науки од Виена. Човекот поднесе формално барање за личните податоци од Facebook. Имајќи предвид дека легислативата на Европската унија дозволува да експортирате податоци од социјалните мрежи, откако малку почекал ги добива своите Facebook податоци.. Ни помалку, ни повеќе CD диск со 1.222 PDF фајлови во кои е снимено секое движење на корисникот. Човекот имал во моментот 234 пријатели, замислете колку “тежи” илијадарката.. Според Threatpost, Facebook ги чува и најдеталните информации: [quote]Collected together were records of when Schrems logged in and out of the social network, the times and content of sent and received messages and an accounting of every person and thing he’s ever liked, posted, poked, friended or recorded. The archive captured friend requests, former or alternative names and email addresses, employment and relationship statuses and photos, in some cases with their GPS locations included, to name a few. [/quote] Накратко, секој чекор кој го има превземено Schrems бил вклучен во примените 1200 датотеки. Дури и пораките за кои се надевал дека не постојат повеќе откако ги избришал. Статус на вработување, врска и најавувањата на локации… Внимавајте што споделувате!
Ако направам една паралела со настаните во маркетингот на социјалните медиуми, па и со текстовите објавени пред година кога започнав со блогот, забележувам огромна разлика. Социјални компоненти се интегрирани во сите сегменти на вебот и активностите на друштвените мрежи се неизоставен дел од маркетинг миксот на сите сериозни компании.
Гледано од перспектива на компаниите, прашањето не е повеќе дали е потребно да се биде присутен на социјалните мрежи и дали да се воспостават сопствени канали овде, туку КАКО и на кој начин да се комуницира. Се истакнува потребата од интегрирана маркетинг стратегија во која како интегрален дел учествува и социјалниот маркетинг. Како и сите дури работи, ако сакате да успеете во социјалните медиуми, потребен е план и мерење на резултатите. Најголеми бенефити ќе уживаат сите кои фокусот го поставиле долгорочно.
Претпоставки за успех преку социјалните медиуми
Од една страна, социјалните медиуми се поклон за компаниите. Ова е можност меѓудругото:
1) да се допре брзо до голем дел од целната група, 2) да се изградат сопствени канали и медиуми за информации, 3) доближување на брендот до крајните купувачи и 4) заработка на earned media. Од друга страна, се уште има претпоставки дека маркетингот преку социјалните медиуми е едноставен и бесплатен, а креирањето на Facebook страницата може да му се додели на било кој практикант во компанијата.
Volkswagen повторно се докажува како креативна компанија во користењето на социјалните медиуми. Најновата наградна игра во Холандија наречена “the Fanwagen” ги поканува фановите да гласаат за најдобариот модел на сите времиња според нив – познатата буба – “Beetle” или van-от – “Т1″. Главната награда за победникот е токму едното од класичните возила, целосно опремено со “социјални” функционалности. Во прирачникот ќе погледнете дека клучот е “Log-in”, преку бравата правите “Add friends”.. Fanwagen доаѓа опремен со вграден Feed-o-matic за принтање на најновоти вести од news feed, контрола на приватноста преку прозорците, а среќниот победник ќе може да го објави и статусот на врската на регистрацијата.
Во моментов кампањата се уште е во тек, а моделот кој што прв ќе стигне до 20.000 гласови ќе биде редизајниран во “Pimp my ride still”. Во условите на наградната игра, стои дека во моментот кога едно од возилата ќе биде избрано, Volkswagen ќе го конструира во Facebook стил за 3 дена, по кои ќе објави линк на фан страницата (Claim buttom) и победникот ќе биде оној што, погодувате.. ќе кликне прв.
Последниве дена news feed-от ми е преплавен со статуси за поплаки од новиот Фејсбук и промените кои ги воведува. Дел од пораките беа жестоки и навредливи кон мрежата на која поминуваат голем дел од времето онлајн. Сопственикот на Mashable, Pete Cashmore, на кого се претплатив преку новата функција “Subscribe”, сподели резултати од анкета во која 74% од луѓето се изјаснуваат дека ги мразат новостите на Facebook. Можеби ќе следиме слични реакции и по воведување на промените кои беа презентирани на годишната f8 конференција na Facebook.
Не треба да зачудува. Признавам дека и мене ми изгледаше конфузно и “претерано”. Тоа е нормален начин на соочување со промени. Секој од нас, помалку или во поголема мера има отпор кон работите надвор од нашата зона на комфорт или работите на кои сме навикнале.
Примерот на Facebook може да демонстрира дека луѓето поминуваат низ неколку фази во реакцијата кон промените во социјалните мрежи:
Одбивност
Без разлика дали се работи за воведување промени на Facebook, Twitter, редизајнот на вашиот омилен забавен портал или сменетиот кафез на лавот во зоолошка, промените нормално резултираат со слична реакција “И зошто сега го прават ова?”.
Промените на Facebook кои предизвикаа мал гнев во постовите беа полето за статуси, новиот Chat, news feed, начинот на презентација на фотографиите и секако “најпопуларниот” во дискусиите тикер кој се појавува веднаш над чатот.
