Tag Archives | социјални мрежи

Дали си зависник од социјални мрежи?

By on February 28, 2012 in Лично, Социјални мрежи

Are you “on” LinkedIn?
She’s addicted to Facebook.
I’m a heavy Twitter user.

Инспириран од @NiallHarbison составив една листа која може да се смета како тест за “зависност од социјалните мрежи”.
Многу луѓе поминуваат голем дел од денот на друштвените мрежи кои стаа причина за дефинирање на нова, современа форма на дигитална зависност, претерано голем апетит за консумирање информации, вмрежување, комуникација и други активности.
Ако одговорите позитивно на половина од тврдењата во продолжение, голема е веројатноста дека може да се класифицирате како дел од групата зависници од друштвени мрежи:

Read full story • Comments { 1 }

Facebook ги чува сите наши податоци!

By on December 15, 2011 in Facebook, Лично, Стратегија

Обично пишувам за позитивните аспекти на друштвените мрежи, како може да се користат во маркетинг и лични цели. Ми се чини дека ова е првиот напис каде ги сместувам во негативна конотација.

Живееме во време на социјален веб. Сите кои ги познавате, најчесто веќе и родителите, имаат отворена сметка најмалку на една социјална мрежа. Like-ови, статуси, додавање непознати пријатели, испраќање пораки “во инбокс”. Терминологијата станува дел од секојдневието. Зборовите unfriend, Hashtag, tweetup од пред година веќе се официјализирани во речникот на Оксфорд.

Сепак, се поставува прашањето. Дали воопшто имаме идеја колку Facebook знае за нас?

На TheNextWeb стигнав до видео каде е пренесено најновото искуство на Max Schrems, студент по правни науки од Виена. Човекот поднесе формално барање за личните податоци од Facebook. Имајќи предвид дека легислативата на Европската унија дозволува да експортирате податоци од социјалните мрежи, откако малку почекал ги добива своите Facebook податоци.. Ни помалку, ни повеќе CD диск со 1.222 PDF фајлови во кои е снимено секое движење на корисникот. Човекот имал во моментот 234 пријатели, замислете колку “тежи” илијадарката.. Според Threatpost, Facebook ги чува и најдеталните информации:

Collected together were records of when Schrems logged in and out of the social network, the times and content of sent and received messages and an accounting of every person and thing he’s ever liked, posted, poked, friended or recorded. The archive captured friend requests, former or alternative names and email addresses, employment and relationship statuses and photos, in some cases with their GPS locations included, to name a few.

Read full story • Comments { 0 }

Google и Facebook – борбата за нашето внимание продолжува

By on July 9, 2011 in Google, Стратегија

Борбата за Интернет доминацијата продлжува. Google и Facebook! Првиот успешно ја следи мисијата да ги организира светските информации и да ги направи достапни и корисни за нас. Вториот е просторот каде поминуваме најголем дел од времето онлајн. Судирот на титаните преминува во секојдневна битка за нашето внимание.

Значајноста на пребарувачот е неоспорна. Начинот на кој доаѓаме до потребните информации секој ден и ги користиме истите е назмислив без неговото постоење. Facebook од друга страна, не беше прва, нема да биде ни последена социјална мрежа.

Да фрлиме една перспектива на најголемата социјална мрежа во моментов. Marc Zuckerberg учеше од пропустите на претходниците и создаде мрежа со неверојатно голема база корисници.

Како Facebook го достигна ова ниво на масивна и активна публика?

1. Не се потпира на принципот на затворена мрежа. Достигна добра маса и се отвори спрема вебот преку Developers алатките (Like, Fan box, comments и другите плагини), добро ги промовираше нив и денес се стандарден додаток за голем број сајтови

2. Ги задоволи апетитите на корисниците од повеќе аспекти: instant messaging (FB chat), blogging на микро ниво со Notes, gaming, фотографии, video-sharing и мултимедија, а во поново време и online shopping (кај нас Купуваме, Шнајдер)

Read full story • Comments { 1 }

Со друштвените мрежи кон економија на луѓето

By on June 25, 2011 in Лично, Социјални мрежи

Кај кого помалку кај кого повеќе, кај луѓето е изразена потребата да водат “дневници” како еден важен начин да останат поврзани со блиските. Желбата за признанија, комбинирано со тоа да “си прифатен” се едни од основните човечки потреби (Eric Qualman).

Токму како еден таков дневник треба да го доживуваме и Facebook. Ако не постоеше како мрежа немаше да знам за случувањата кај најголем дел од средношколските пријатели или ќе требаше да ја чекам прославата за 5 години матура :)

Со @jocotoo често разговараме на темата дека Facebook е крал на денешното приватно вмрежување, но и простор каде може да ја пренесеме страста за дадена тема и од време на време да го презентираме знаењето.

Како индивидуа, секој од нас ја има наследено таа психолошка потреба да биде“свој”, но истовремено и чувството дека припаѓа во заедница прифатена од поголем социјален круг. Навивачите и обожавателите на Manchester United, Kanye West и хип-хоп културата, љубителите на театар. Вие дополнете…. Сите овие групи или кластери ги обединуваат луѓето со слични интереси, сега со супер нагласен ефект и на Интернет.

Facebook не е само за објавување фотки од летниот одмор или вчерашната журка и Twitter е далеку повеќе од залепување статус од Foursquare локација.

Read full story • Comments { 1 }

5 препораки за успешна Facebook маркетинг кампања

By on May 24, 2011 in Facebook, Mаркетинг, Совети, Стратегија

Сведоци сме на многу наградни игри деновиве на Facebook… И речиси сите го бараат она истото “Стави ми лајк” од нас.  Малкумина се запознати со Facebook правилата за наградни игри. Друштвената мрежа има строги ограничувања за сите брендови кои ја користат неговата платформа за некаков тип на наградни кампањи за промоција и токму од таа причина компаниите внимаваат при користење на зборот “наградна игра”.

Преку овој акт на често организирање на наградни акции, “Лајкот” се позиционираше како еден вид платежно средство, а Facebook може да се пофали дека неговата дигитална валута котира прилично добро. Промоциите, акциите, наградувањата се воспставена практика за брендовите да си “купат” нови фанови и да го најават своето присуство на друштвената мрежа. Затоа се исклучително добра и докажана алатка во фазата на Awareness, а и повремено за поголемо вклучување на фановите и потсетувања.

Имајќи го предвид потенцијалот, Facebook станува интегрален дел од маркетинг стратегијата на повеќето компании. Има повеќе причини зошто купувачите се спријателуваат со брендовите на Facebook и фирмите може да ги таргегираат токму нив при градењето на своите страници на Facebook. Како една од причините кај фановите се спомнува и барањето да бидат информирани за промоции и попусти. Македонската Facebook публика е гладна за нешто “бесплатно” или “големи попусти”.

Read full story • Comments { 0 }